瞳内的倒影

落雨大

关键词： 落雨大                                          

  

 最近噶天气成日都阴晴不定，上昼可以阳光普照，下昼就即刻阴阴沉沉。好似而家甘，个天又黑黑啦。似乎又酝酿着一场大雨。5知广州而家有无落雨呢？？好挂住屋企啊，挂住果边噶一切一切－－－

  讲起落大雨，今日终于俾我搵到果只歌，无错，就系东山少爷噶落大雨，我听晒成只唱好广州的专辑，真系5错，可以勾起好多童年的回忆。落大雨，水浸街，阿妈担柴上街卖，阿嫂出街着花鞋，花鞋花袜花腰带－－－－我细细个就听过呢只歌，可以话系陪住我地一齐成长的童谣。果阵阿嫲成日唱俾我地听－－－－

  记得以前未搬屋，住系旧西关。果度大多数都系平房，我地屋企虽然得三层半（计埋天台果半层）已经算得系果度噶“高层建筑”，果阵同阿妈住系三楼，可能房连厅加埋都5够25平方，冬天好鬼冻，夏天似蒸松糕甘热，连床都不能训，同阿妈铺床板训地下，摇大葵扇。我最中意跑上楼上个天台，因为成日都见到有人放风筝，五系一只一只，而系成群结队噶风筝，不断从一个方向飘过黎，五彩缤纷，我绝对无作大，绝对系真实的情景哦。漫天都系风筝的情景，居然可以系我屋企的天台睇到，每次抬住头望住个天，一望就系半个钟，天真系好蓝好蓝，好高－－－条劲好酸好酸，不过面对此情此景，再酸都值得啦，系米？

  我地屋企算先进啦，已经5用“趟拢门”，不过我就好中意爬隔离屋噶“趟拢门”，搞到隔离屋阿伯都怕左我。旧阵时家家户户都系用瓦片屋顶，由于我屋企都无，我就经常同D朋友仔去人地屋企爬瓦片顶，系真系真系爬上屋顶啊，林翻果阵真系5识死，如果掉落黎，5死都要断手断脚，不过系屋顶噶风景真系零舍不同，又凉爽。大家如果有睇过“金枝欲孽”噶话，一定会记得陈豪爬上紫禁城屋顶，睇到一大片宏伟皇宫时的情景，就系果阵距就要立志出人头地。我林我爬上屋顶果阵的心情同陈豪噶差5多，不过我睇到噶系一大片矮矮的，灰灰的瓦片头－－

     

旧阵时街头巷尾的地下都5系水泥地，而系麻石板，我老豆话呢D系西关古董，买都买5到。巷全部都窄窄的，麻石地板凹凸不平，每逢落雨就会有深深浅浅的水坑，夏天果阵我同朋友仔都5着鞋，周街走，踩住麻石地板，非常凉爽。巷子蜿蜒，曲折，从高空睇根本就系一个小迷宫，细细个玩捉迷藏果阵，捉果个真系几辛苦噶－－－

  落雨就好常见，不过落冰薄就真系千载难逢，系旧屋最难忘就系果此落左好大的冰薄，大大块，砸落在三楼我屋企门口的蓬上面，果阵又5识死，站在蓬下面傻更更甘睇D冰掉落黎。吓死我阿妈，跟住距就罗个盆街住D冰，进而俾我玩。哈哈－－－三楼的阳台种左好多植物，我中意就系果盆开得好靓噶红色蔷薇，那个灿烂，真系令人赏心悦目。另外有两盆好特别的芙蓉，好茂盛，我阿嫲话芙蓉有好多益处，所以平时有咩病痛都会冲芙蓉水饮。清热解毒。

  我而家先明白，点解好多人都中意讲起细细个D野，而且一讲就滔滔不绝。童年总能带给我们好多特别的回忆，最无忧无虑，最快乐最天真。（傻笑ing-----)

PS:似乎今日写得特别多哦，呵呵0000

 

【作者: hetomi33joann】【访问统计:】【2006年03月12日 星期日 16:39】【 加入博采】【打印】